Einslege hjarteslag – Finn Coren

Release Date	28. mars 2026
Record Label	Bard Records
Catalog Number	BACD-7, BALP-7, BALP-7LTD

Jarnnetter

Finn Coren
- Lyrics
  JARNNETTER
  From «Jarnnetter» (1948)
  
  Tyngst var den lange natta
  da ingen kom -
  Men jarnnetters sorg i mitt hjarte
  talar eg aldri om.
  
  Jarnnetters sorg for henne
  eg aldri fann,
  er tagal som sorga frå alle
  usæle armodsland.
  
  Jarnnetters sorg i verda
  har aldri dag.
  Min elskhug har berre mitt eige
  einslege hjarteslag.
  
  -
  
  Words: Tor Jonsson
  Music: Finn Coren
  
  -
  
  Performers:
  Finn Coren – vocals, choir
  Fredrik Pfefferkorn Sager – acoustic & electric guitar
  Gjermund Kolltveit – viola
  Terje Norum – piano
  Atle Rakvåg – bass guitar
  Ole Tom Torjussen – drums
1
Ufødd gud

Finn Coren
- Lyrics
  UFØDD GUD
  From «Berg ved blått vatn» (1946)
  
  Det ligg eit frø i hjarta.
  Men hjarta er av is.
  Frøet er din løynde draum
  om paradis.
  
  Det brånar is i elden.
  Og elden brenn og brenn -
  Livet andar glede inn
  i gode menn.
  
  Vi går mot heilagdomen
  i jordisk kyrkjeskrud.
  Livet er ei lengsle mot
  ein ufødd gud.
  
  -
  
  Words: Tor Jonsson
  Music: Finn Coren
  
  -
  
  Performers:
  Finn Coren – vocals, samples, choir
  Fredrik Pfefferkorn Sager – electric guitar
  Lars Fredrik Frøislie – Fender Rhodes el. piano, Hammond C3
  Atle Rakvåg – bass guitar
  Ole Tom Torjussen – drums
2
Vegen gjekk eg til ende

Finn Coren
- Lyrics
  VEGEN GJEKK EG TIL ENDE
  From «Ei dagbok for mitt hjarte - Lause dikt» (1951)
  
  Vegen gjekk eg til ende
  og står ved det ytste hav
  der livet og døden møtest -
  Gå bort og grav mi grav.
  
  Æva ber alt i fanget.
  Tida har gråt og song.
  Så skriv desse orda på grava:
  Han har ikkje levt eingong.
  
  -
  
  Words: Tor Jonsson
  Music: Finn Coren
  
  -
  
  Performers:
  Finn Coren – vocals, choir
  Terje Norum – piano
  Lars Fredrik Frøislie – Mellotron, Arp Pro Soloist
  Stian Omenås – trumpet
3
Attisa brunn ***

Finn Coren & Østfold strykekvartett
- Lyrics
  ATTISA BRUNN
  From «Samlede dikt - Mot ytste grensa» (2021)
  
  Tanken min er som ein brunn,
  brådjup og svart.
  Hausthimlen over er tunn,
  brådjup og bjart.
  
  Så kom det ei frostklår natt.
  Da isa brunnen att.
  
  Stjerner skaut ut sine strålar.
  Frosten trædde sin tråd
  og sauma med nåler
  ingen kan sjå.
  
  Kvinne, kvinne mitt paradis
  har stjerner og roser av is.
  
  Kvinne, eig du ei tåre att,
  gråt på min veg.
  Rosene mine som blømde ved natt
  blømde for deg.
  
  Kjem du til brunnen, kvinne
  så vara deg, isen er tunn.
  Han terdest i lange netter.
  Det er varme i attisa brunn.
  
  Still skal du stå ved ein heilagdom.
  Du kan ikkje vita at brunnen er tom.
  
  *
  
  Du kjem til ein attisa brunn,
  kjem du til meg.
  For songen er skapt i ei stund,
  stolen frå deg.
  
  -
  
  Words: Tor Jonsson
  Music: Finn Coren
  
  -
  
  Performers:
  Finn Coren – vocals, acoustic guitar
  Østfold Strykekvartett:
  Stepan Frolov – violin
  Maria Sergejevna Dahl – violin
  Helle Tennøe Andersen – viola
  Liv Frengstad – cello
4
Draum: Det ropte frå sjøen *

Finn Coren
- Lyrics
  DRAUM: Det ropte frå sjøen
  Av Halldis Moren Vesaas
  From «I ein annan skog» (1955)
  
  Det ropte frå sjøen om hjelp hjelp.
  Ei røyst som eg kjende: di.
  Eg skunda meg nedtil, sprang sprang,
  fekk båten i hast gjort fri.
  
  Skauv ifrå land, greip årene,
  sette meg ned for å ro,
  men kom ingen veg. Makteslaust
  mot vassflata årene slo.
  
  Kom ikkje nedi. Fekk ikkje tak.
  Vatnet var stivna som bly.
  Og langt uti mørkret di røyst
  som ropte og ropte på ny.
  
  Med årene sat eg og slo slo
  mot dette som ikkje brast,
  slo og visste: Du ropte om hjelp,
  men du held òg båten fast.
  
  -
  
  Words: Halldis Moren Vesaas
  Music: Finn Coren
  
  -
  
  Performers:
  Finn Coren – vocals, samples
  Terje Norum – piano
  Lars Fredrik Frøislie – Arp Pro Soloist, Mini Moog
  Stian Omenås – trumpet, effects
  Atle Rakvåg – double bass
5
Tors song (instrumental)

Finn Coren
- Lyrics
  TORS SONG
  (INSTRUMENTAL)
  
  -
  
  Music: Finn Coren
  
  -
  
  Performers:
  Finn Coren – acoustic guitar
  Gjermund Kolltveit – Harding fiddle
6
Så stig da i meg, einsemd ***

Finn Coren & Østfold strykekvartett
- Lyrics
  SÅ STIG DA I MEG, EINSEMD
  From «Ei dagbok for mitt hjarte - Lause dikt» (1951)
  
  Så stig da i meg, einsemd
  storm mitt jordlivs siste skanse
  og øyd min tæringsdraum om lykke her.
  Du avgrunnssvimre jord,
  ver du ei onnor verd,
  gjev all din løyndom
  i denne gjennomlyste morgonstund,
  i denne timen føre dødsens store dag
  når einsemdrøyster ropar meg attende
  til atterføding or ein annan grunn.
  
  No stormar all mi einsemd mot si grense.
  Mitt liv var draum forutan dagklår visse,
  og difor eig eg ikkje jorda meir -
  Men livet skal eg aldri, aldri misse -
  
  -
  
  Words: Tor Jonsson
  Music: Finn Coren
  
  -
  
  Performers:
  Finn Coren – vocals
  Terje Norum – piano
  Østfold Strykekvartett:
  Stepan Frolov – violin
  Maria Sergejevna Dahl – violin
  Helle Tennøe Andersen – viola
  Liv Frengstad – cello
7
Fossen

Finn Coren
- Lyrics
  FOSSEN
  From «Jarnnetter» (1948)
  
  Døden ropar på alle.
  Dagen er tung av strid
  mot mektige dragsogarmar, -
  tung av tid.
  Eg ror imot straumen, men fossen ropar.
  Armane dovnar og båten driv -
  Fossen skal stå som eit utropsteikn
  etter mitt liv -
  
  Eg vender augo mot fossen
  og regnbogen over.
  Det er som ein veldig kyrkjekor -
  Eimane stig - det er presten som signar
  den arme jord.
  
  Eg strir imot dragsog og dulde krefter,
  men kan ikkje snu.
  Mi trøyst i døden er draumen,
  draumen om dagen da mennesket skapar
  regnbogen om til bru -
  
  -
  
  Words: Tor Jonsson
  Music: Finn Coren
  
  -
  
  Performers:
  Finn Coren – vocals, samples, choir
  Fredrik Pfefferkorn Sager – acoustic & electric guitar, E-bow
  Terje Norum – piano
  Lars Fredrik Frøislie – Mini Moog, Arp Solina String Ensemble
  Stian Omenås – trumpet
  Gjermund Kolltveit – Harding fiddle, viola
  Atle Rakvåg – bass guitar
  Ole Tom Torjussen – drums
8
Ved grensa

Finn Coren
- Lyrics
  VED GRENSA
  From «Ei dagbok for mitt hjarte - Lause dikt» (1951)
  
  Hit er eg komen. Lenger
  går ingen veg.
  Bortanfor grensa
  der bur Gud.
  
  Det kveldar. Eg kviler.
  Eg tør ikkje gå
  der eg har gått.
  Der er det inga von meir.
  
  Eg vil ikkje snu.
  Men før eg går over grensa,
  vil eg eige den djupaste visdom
  om landet der Gud bur.
  
  Hit er eg komen. Blind.
  No vil eg sjå
  eller gå under og gløymast
  ubrukt -
  
  -
  
  Words: Tor Jonsson
  Music: Finn Coren
  
  -
  
  Performers:
  Finn Coren – vocals, acoustic guitar, choir
9
Steinut veg

Finn Coren
- Lyrics
  STEINUT VEG
  From «Samlede dikt - Mot ytste grensa» (2021)
  
  Du og eg.
  vakker veg.
  Andre vandrar ikkje her.
  Vegen smalnar. Du kjem nær.
  Berre vi.
  Nattetid.
  Ingen andre vandrar.
  
  ---
  
  Steinut veg.
  Berre eg.
  Andre vandrar ikkje her.
  Alle har ein annan kjær.
  Berre vi
  eg og tid
  over tusen graver.
  
  ---
  
  Berre du
  ved ei bru -
  vegen enda der ein gong.
  Elva song sin gravferdssong.
  
  Syng mot sjø.
  berre død
  ventar all vår kjærleik.
  
  -
  
  Words: Tor Jonsson
  Music: Finn Coren
  
  -
  
  Performers:
  Finn Coren – vocals, acoustic guitar, choir
  Lars Fredrik Frøislie – Mellotron
  Stian Omenås – trumpet
  Atle Rakvåg – double bass
10
Draum: Foten bryt frosne blad

Finn Coren
- Lyrics
  DRAUM: Foten bryt frosne blad
  From «Ei dagbok for mitt hjarte - Lause dikt» (1951)
  
  Foten bryt frosne blad.
  Kulden er nær,
  stjernene langt borte.
  Attstengd dør
  møter ein tung lekam
  med nådelaus ro.
  
  Brått ligg eit barn og græt ved døra -
  Og døra spring opp.
  Det skin frå eit anna land,
  der alle stjerner er nær
  og kulden langt borte.
  
  Barnet reiser seg,
  veks til mann,
  er eg.
  Døra smell att.
  Dørsmellen er som ein dom
  over dei som må fødast på nytt.
  
  -
  
  Words: Tor Jonsson
  Music: Finn Coren
  
  -
  
  Performers:
  Finn Coren – vocals, choir, effects
  Terje Norum – piano
  Lars Fredrik Frøislie – Arp Pro Soloist, Mini Moog
11
Lauv i vind

Finn Coren
- Lyrics
  LAUV I VIND
  From «Ei dagbok for mitt hjarte - Døde dagars ord» (1951)
  
  Gjennom denne dagen min
  seglar gulna lauv i vind.
  
  Kvelden kjem så nær, så nær
  med død og stjerneher.
  
  Alt eg elska finn eg att
  i denne djupe, djupe fred,
  i denne stille, stille natt -
  
  Der søv Gud på nedfallslauv,
  blind og dauv -
  
  Lauv i vind er engleveng
  over livsens skaparseng.
  
  -
  
  Words: Tor Jonsson
  Music: Finn Coren
  
  -
  
  Performers:
  Finn Coren – vocals, choir
  Fredrik Pfefferkorn Sager – acoustic & electric guitar
  Terje Norum – piano
  Atle Rakvåg bass guitar
  Ole Tom Torjussen – drums
  Lars Fredrik Frøislie – Mellotron
12
Kvit grav

Finn Coren
- Lyrics
  KVIT GRAV
  From «Samlede dikt - Mot ytste grensa» (2021)
  
  Kjære, i augo dine
  blånar eit hav -
  Her i mi einsemdpine
  grånar ei grav.
  
  Her i mi einsemd laver
  rosene heitt,
  voggar på våre graver -
  Her er vi eitt.
  
  Sol på ditt hav skal skine, -
  her skal eg søkkje ned.
  Mi grav er i armom dine,-
  der finn eg fred –
  
  -
  
  Words: Tor Jonsson
  Music: Finn Coren
  
  -
  
  Performers:
  Finn Coren – vocals, acoustic guitar, choir
  Gjermund Kolltveit – Harding fiddle
13
Den ukjende

Finn Coren
- Lyrics
  DEN UKJENDE
  From «Ei dagbok for mitt hjarte - Lause dikt» (1951)
  
  Eg er ein mann som ingen kjenner.
  For den eg er, gjekk støtt ein ukjend veg.
  Farvel da, alle gode venner,
  som berre kjenner han som aldri likna meg.
  
  Meg kan ingen rose eller laste,
  for ingen kjenner meg, og ingen kjem meg nær.
  Så tei still venner, så eg slepp å høyre
  ros og ris for det eg ikkje er.
  
  Men ein gong kjem vel alle venner
  og fører meg til grava. Og så godnatt, godnatt.
  Men eg skal fylgje med når de går heim frå laget,
  da skrymtar eg i skuggane, i grenda går eg att.
  
  Meg kan ingen grava ned, det er ingen som har kjent meg.
  Det bur ein annan i meg, han åtte aldri ord.
  Han lever att i andre og vandrar i sin himmel
  på denne barndomsfagre og bombesprengde jord.
  
  -
  
  Words: Tor Jonsson
  Music: Finn Coren
  
  -
  
  Performers:
  Finn Coren – vocals, choir, sound effects
  Fredrik Pfefferkorn Sager – acoustic & electric guitar
  Lars Fredrik Frøislie – Arp Pro Soloist, Mellotron, Hammond C3, Wurlitzer el.piano
  Gjermund Kolltveit – viola
  Atle Rakvåg – bass guitar
  Ole Tom Torjussen – drums
14
Kom susande, seinhaustnatt

Finn Coren
- Lyrics
  KOM SUSANDE, SEINHAUSTNATT -
  From «Ei dagbok for mitt hjarte - Lause dikt» (1951)
  
  Kom susande, seinhaustnatt,
  kom ned over jorda og gøym meg.
  Kom syngjande, dag, kom att
  med glede til andre og gløym meg.
  
  -
  
  Words: Tor Jonsson
  Music: Finn Coren
  
  -
  
  Performers:
  Finn Coren – vocals, acoustic guitar, choir
15
Når du er borte

Finn Coren
- Lyrics
  NÅR DU ER BORTE
  From «Ei dagbok for mitt hjarte - Lause dikt» (1951)
  
  Nærast er du når du er borte
  Noko blir borte når du er nær.
  Dette kallar eg kjærleik -
  Eg veit ikkje kva det er.
  
  Før var kveldane fylte
  av susing frå vind og foss.
  No ligg ein bortgøymd tone,
  og dirrar imellom oss.
  
  -
  
  Words: Tor Jonsson
  Music: Finn Coren
  
  -
  
  Performers:
  Finn Coren – vocals, choir
  Øyvind Fosgaard – grand piano
16
Fattig ynskje ***

Finn Coren & Østfold strykekvartett
- Lyrics
  FATTIG YNSKJE
  From «Ei dagbok for mitt hjarte - Døde dagars ord» (1951)
  
  Var eg ein Gud,
  ville eg skapa
  ei stillare verd.
  Der skulle alle elske.
  
  Var eg ein Gud,
  ville eg skapa
  kjærleik og død,
  berre kjærleik og død.
  
  -
  
  Words: Tor Jonsson
  Music: Finn Coren
  
  -
  
  Performers:
  Finn Coren – vocals, acoustic guitar, choir
  Østfold Strykekvartett:
  Stepan Frolov – violin
  Maria Sergejevna Dahl – violin
  Helle Tennøe Andersen – viola
  Liv Frengstad – cello
17
Å dikte

Finn Coren
- Lyrics
  Å DIKTE
  From «Ei dagbok for mitt hjarte - Lause dikt» (1951)
  
  Å dikte er å vera
  det vesle som ein vart
  og sleppe kvite fuglar ut
  i nattesvart.
  
  Å leva er å vera
  det store som ein er
  og stå i einsleg undring
  og høyre fuglar flyge inn
  frå ukjend verd.
  
  -
  
  Words: Tor Jonsson
  Music: Finn Coren
  
  -
  
  Performers:
  Finn Coren – vocals
  Terje Norum – piano
18
To kvinner

Finn Coren
- Lyrics
  TO KVINNER
  From «Ei dagbok for mitt hjarte - Lause dikt» (1951)
  
  Det står to kvinner i hagen
  og ventar di siste ferd.
  Båe ber svarte klede.
  Båe har hatt deg kjær.
  
  Di gjernings sorg står og bankar
  og bed ved din port.
  Men svartar er ho som vitnar
  om det du aldri har gjort.
  
  Di gjernings sorg har ei morshand,
  useieleg mjuk og mild.
  Men ho som venta di gjerning,
  står svart og still.
  
  Den du har grøtt, skal gråte
  over di grav.
  Den andre står svart og ventar
  bortanfor himmel og hav.
  
  -
  
  Words: Tor Jonsson
  Music: Finn Coren
  
  -
  
  Performers:
  Finn Coren – vocals, acoustic guitar, choir, effects
  Gjermund Kolltveit – Harding fiddle, Rebec
  Stian Omenås – trumpet
  Atle Rakvåg – double bass, fretless bass
19
Du tende eld

Finn Coren
- Lyrics
  DU TENDE ELD
  From «Dikt i samling - Lause dikt» (1956)
  
  Kvart steg er steg imot det stille land.
  Ver stilt, mitt hjarte, du som ingen fann.
  
  Det stråla æve or ditt andletsdrag.
  Ver stilt, mitt hjarte, stilt til siste dag.
  
  Men hjartet talar. Der skal lengsla bu.
  Du tende eld i tvilen med di tru.
  
  -
  
  Words: Tor Jonsson
  Music: Finn Coren
  
  -
  
  Performers:
  Finn Coren – vocals, acoustic guitar, choir
  Gjermund Kolltveit – Harding fiddle, Kankle
  Atle Rakvåg – double bass
20
Venetape **

Finn Coren
- Lyrics
  VENETAPE
  Av Jan-Magnus Bruheim
  From «Dikt i samling - Ettermæle» (1956)
  
  Ei uro jagar millom von og misvon –
  Han lever ennå. Her må skje eit under!
  Men venskap bergar ingen mann. Vi er åleine
  på ytste øy i våre tyngste stunder.
  
  Det slokna ljos mot grye. Aldri skal
  ditt hovud meire reise seg frå pute.
  Uverkeleg og ørskegrå står dagen
  med tunge augnelòk mot blinde rute.
  
  Eit hjarte slutta slå sin tunge blodkolv,
  og live stupte under krav og kross.
  Og døden kom. Han lyfte krossen upp att
  og la han tegjande og tungt – på oss.
  
  - - -
  
  Den fyrste dag – og alle dagar går.
  Det snøar ute. Og eg står her inne
  og ventar stilt. Men snø fell aldri over
  det nakne stjernehimmeldjup av minne.
  
  Det bankar nattetid. Det opnast dører.
  Og alt som hende – det er nå det hender.
  Det snøar på ei grav. Det er som frøyste tåror
  or himmelauga over våre grender.
  
  Eg står her framfor stengt, og kallar på deg
  frå einsemdstrandi ved den stille sjøen.
  Og rope bryt or djupe: Kom attende.
  Men venskap vekkjer ingen upp frå døden.
  
  -
  
  Words: Jan-Magnus Bruheim
  Music: Finn Coren
  
  -
  
  Performers:
  Finn Coren – vocals, acoustic guitar
  Stian Omenås – trumpet
  Lars Fredrik Frøislie – Mellotron
  Atle Rakvåg – fretless bass
21
Eg åtte ikkje kjærleik ***

Finn Coren & Østfold strykekvartett
- Lyrics
  EG ÅTTE IKKJE KJÆRLEIK
  From «Tekster i samling II» (1975)
  
  Eg åtte ikkje kjærleik
  men tala pent med englemunn
  og alle mine tome ord
  gjer stygg mi levestund.
  
  Eg såg det vonde koma
  og visste kva det galdt
  men åtte ikkje kjærleik
  og difor sveik eg alt.
  
  Eg brann for alle arme
  og stod i broderring,
  men åtte ikkje kjærleik
  og difor er eg ingenting.
  
  Eg åtte ikkje kjærleik
  og difor er eg jord.
  Men kanskje finst eit rike
  der einast kjærleik gror.
  
  Gjev meg svolt og svide,
  gjev meg einsemd på ei øy.
  Den som elskar han skal sigre
  over døden med å døy.
  
  Døden går i verda
  skapar dagen om til natt.
  Der skal døden overvinnast
  kjærleik einast leva att.
  
  Gjev meg gull og grøde
  gjev meg meire enn eg treng.
  Ein gong skal eg døy i einsemd,
  lik ein fugl med broten veng.
  
  -
  
  Words: Tor Jonsson
  Music: Finn Coren
  
  -
  
  Performers:
  Finn Coren – vocals, choir
  Terje Norum – piano
  Atle Rakvåg – fretless bass
  Østfold Strykekvartett:
  Stepan Frolov – violin
  Maria Sergejevna Dahl – violin
  Helle Tennøe Andersen – viola
  Liv Frengstad – cello
22

Poems: Tor Jonsson (1916-1951)
* Halldis Moren Vesaas ** Jan-Magnus Bruheim
Music: Finn Coren

Produced by Finn Coren and Øystein Vesaas

Some of the arrangements have been developed in collaboration with the band

*** String arrangements by Dagfinn Koch – based on ideas by Finn Coren and Dagfinn Koch

Recorded in Lydkjøkkenet Studio, Alby 2020-2023 and 2025 (choir overdub) – Engineer: Øystein Vesaas

Various keyboard recordings in LFF Studio, Oslo 2022 – Engineer: Lars Fredrik Frøislie
Når du er borte recorded in Barkstudio, Oslo 2013 – Engineer: Vegard Doszko
Strykpålæg Eg åtte ikkje kjærleik recorded in Crow Studio, Moss 2024 – Engineer: Torkil Solberg

Mixed in Lydkjøkkenet Studio, Alby 2025 by Øystein Vesaas and Finn Coren

Mastered in Jelöy Sound Mastering, Moss 2025 by Magnus Gulbrandsen

Cover design and image processing: Stein J. Øvre
Landscape photographs: Finn Coren
Art direction: Stein J. Øvre and Finn Coren

Tor Jonsson portrait photos: Johs. Brye, Ål (front cover) and Ole Arnfinn Torgersrud, Gausdal

Finn Coren portrait photos: Anette Kristiansen and Håkon Jacobsen

Thanks to Øyvind Fosgaard, Vegard Doszko, Nikolai G. Vikene, Ole Johs Brye, Jens Hauge, Halvor Torgersrud, Torunn Bruheim Haugen, Guri Vesaas, Det Norske Samlaget, Aschehoug Forlag, Anette Kristansen, Håkon Jacobsen, Eivind Salen, Nina Ossavy and Dicentia.

Special thanks to Øystein Vesaas, Stein J. Øvre, Dagfinn Koch and all the musicians on the album; Terje Norum, Fredrik Pfefferkorn Sager, Lars Fredrik Frøislie, Atle Rakvåg, Ole Tom Torjussen, Stian Omenås, Gjermund Kolltveit and Østfold Strykekvartett – Stepan Frolov, Maria Sergejevna Dahl, Helle Tennøe Andersen and Liv Frengstad.

«It is forbidden to copy and /or use the poems, portraits, paintings and recordings without written permission from the copyrightowners.»

An excerpt from Grieg’s I himmelen with Volda Kyrkjekor and Volda Vokal is used on Fossen – with kind permission from conductor Bert Handrick at Volda Kyrkjekor, conductor Magnar Åm at Volda Vokal, and soloist Louise Engeseth.